Posted by admin on 2023-05-18 17:26:26 |
Share: Facebook | Twitter | Whatsapp | Linkedin
ರಾಯಗಡದ ಪರ್ವತಾರೋಹಿ ಯಾಶಿ ಜೈನ್ ರವರು ಯಶಸ್ವಿಯಾಗಿ ಮೌಂಟ್ ಎವೆರೆಸ್ಟನ ಶಿಖರಾರೋಹಣ ಮಾಡುವುದರ ಮೂಲಕ ಇತಿಹಾಸ ನಿರ್ಮಿಸಿದ್ದಾರೆ. ಛತ್ತೀಸ್ಗಢದ ಜೈನ ಸಮಾಜದ ಪುತ್ರಿ ಯಾಶಿ ಅವರು ಎವರೆಸ್ಟ್ನಲ್ಲಿ ಭಾರತದ ತ್ರಿವರ್ಣ ಧ್ವಜ ಮತ್ತು ಜೈನ ಧ್ವಜವನ್ನು ಭಾರತೀಯ ಕಾಲಮಾನ ಬುಧವಾರ (17 -05 -2023) ಬೆಳಿಗ್ಗೆ 5:45 ಕ್ಕೆ ಹಾರಿಸಿದರು.
ಮೌಂಟ್ ಎವರೆಸ್ಟ್ ಏರಲು ಹೊರಟಿರುವ 15 ಸದಸ್ಯರ ತಂಡದಲ್ಲಿ ರಾಯಗಢದ ಪರ್ವತಾರೋಹಿ ಯಾಶಿ ಜೈನ್ ಛತ್ತೀಸ್ಗಢದ ಏಕೈಕ ಸದಸ್ಯರಾಗಿದ್ದಾರೆ. ಮೌಂಟ್ ಎವರೆಸ್ಟ್ ಶಿಖರಾರೋಹಣ ಅಭಿಯಾನವು ಏಪ್ರಿಲ್ 1 ರಂದು ಪ್ರಾರಂಭವಾಯಿತು ಮತ್ತು ಇದು 45 ದಿನಗಳವರೆಗೆ ನಡೆಯಿತು. ಯಾತ್ರೆಗೆ ತೆರಳುವ ಮುನ್ನ ಪರ್ವತಾರೋಹಿ ಯಾಶಿ ಜೈನ್ ಮುಖ್ಯಮಂತ್ರಿ ಭೂಪೇಶ್ ಬಘೇಲ್ ಅವರನ್ನು ಭೇಟಿ ಮಾಡಿದ್ದರು. ಮೌಂಟ್ ಎವರೆಸ್ಟ್ ಶಿಖರಾರೋಹಣಕ್ಕೆ ಶುಭ ಹಾರೈಕೆಗಳೊಂದಿಗೆ ಸಿಎಂ ಯಾಶಿ ಅವರನ್ನು ಕಳುಹಿಸಿದ್ದರು. ಇದೇ ವೇಳೆ 5 ಲಕ್ಷ ಪ್ರೋತ್ಸಾಹ ಧನ ನೀಡುವುದಾಗಿಯೂ ಕೂಡ ಘೋಷಣೆ ಮಾಡಿದ್ದರು.
ಯಾಶಿ ಅವರ ತಂದೆ ಅಖಿಲೇಶ್ ಜೈನ್ ರವರು ಪಂಜಾಬ್ ನ್ಯಾಷನಲ್ ಬ್ಯಾಂಕ್ನಲ್ಲಿ ಕೆಲಸ ಮಾಡುತ್ತಿದ್ದಾರೆ. ಯಾಶಿ ಜೈನ್ ಛತ್ತೀಸ್ಗಢದ ಜೈನ ಸಮುದಾಯದಿಂದ ಮೌಂಟ್ ಎವೆರೆಸ್ಟನ ಶಿಖರಾರೋಹಣ ಮಾಡಿದ ಮೊದಲ ಹುಡುಗಿ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಯಾಶಿ ಜೈನರವರು ಇಂತಹ ಸಾಧನೆ ಮಾಡಿದ್ದು ಮೊದಲೇನಲ್ಲ. ಬಿ.ಟೆಕ್ ಪದವೀಧರರಾದ ಯಾಶಿಯವರು ಜಗತ್ತಿನ ಹಲವಾರು ಪರ್ವತಗಳ ಶಿಖರಾರೋಹಣ ಮಾಡಿದ್ದಾರೆ. ಇದುವರೆಗೂ ಯಾಶಿಯವರು ಯಶಸ್ವಿಯಾಗಿ ಶಿಖರಾರೋಹಣ ಮಾಡಿದ ಪರ್ತವಾತಗಳ ವಿವರಣೆ ಈ ಕೆಳಗಿನಂತಿದೆ.
ಯಾಶಿ ಜೈನರವರು ಪರ್ವತಾರೋಹಣದಲ್ಲಿ ಇನ್ನು ಹೆಚ್ಚಿನ ಸಾಧನೆ ಮಾಡಲೆಂದು ಜೈನ ಸಮುದಾಯವು ಶುಭಾಶಯ ಕೋರಿದೆ.